هي ٺاهه جرمني ۽ روس درميان 3 مارچ 1918ع ۾ ڪيو ويو، جنهن ۾ روس اعلان ڪيو ته روس، پولينڊ، لٽويا، لٿونيا، اسٽونيا ۽ آلنڊ ٻيٽن ۾ پنهنجو اختيار ختم ڪندو. ’ارداهن‘ ۽ ’باتون‘ جا علائقا ترڪيءَ حوالي ڪندو. ان کان علاوه روس، فنلئنڊ ۽ يوڪرين ۾ ڪميونزم ڦهلائڻ کان باز رهندو ۽ جرمنيءَ کي جنگ جي ڏنڊ طور 6 بلين سونا مارڪس ڏيندو. هن ٺاهه ذريعي روسي آبادي %34 گهٽجي وئي. انهيءَ ٺاهه ڪرڻ تي مخالفن طرفان روس جي ڪميونسٽ حڪومت تي جرمنيءَ سان سازباز ۽ مُلڪ سان غداري ڪرڻ جا الزام لڳا، پر روس جي انقلابي اڳواڻ ولاديمير لينن ان عمل کي انقلابي حڪمت عملي ڪوٺيندي، پنهنجي فيصلي جو ڪاميابيءَ سان بچاءُ ڪيو. مبصرن جو خيال آهي ته هن معاهدي جي نتيجي ۾ ڪميونسٽ حڪومت گهرولڙائيءَ کي مُنهن ڏنو ۽ آخرڪار پنهنجي اقتدار کي مضبوط ڪيو